इङ्ग्ल्यान्ड टिमलाई ‘भियग्रा’ प्रयोग गर्न छुट

काठमाडौं ।

विश्वकपको अन्तिम १६ को भिडन्तमा घरेलु टोली मेक्सिकोविरुद्ध मैदान उत्रिँदा इङ्ग्ल्यान्डका खेलाडीहरूले एउटा यस्तो ओषधि प्रयोग गर्न पाउने भएका छन्, जसको नाम सुन्दा मात्रै पनि धेरैलाई अचम्म लाग्न सक्छ । इङ्ग्ल्यान्डको मेडिकल टोलीले आफ्ना फुटबलरहरूलाई खेलको क्रममा ‘भियग्रा’ खाने अनौठो तर नियमसम्मत अनुमति दिएको छ । समुद्री सतहबाट करिब ७ हजार ३५० फिटको अत्याधिक उचाइमा रहेको मेक्सिको सिटीको ‘एस्टाडियो एज्टेका रंगशाला’ मा हावा पातलो हुने र अक्सिजनको कमीले खेलाडीको दम फुल्ने गर्दछ । यही प्राकृतिक चुनौतीसँग जुध्न र खेलाडीहरूको सहनशक्ति तथा रिकभरी क्षमता कमजोर हुन नदिन मेडिकल स्टाफले यो कडा कदम चालेका हुन् ।