मेनपावरले पनि दक्षिण कोरियाको ई-७ भिसामा दक्ष श्रमिक पठाउन पाउने

काठमाडौं : दक्षिण कोरियाको ई-७ भिसामा अब म्यानपावर व्यवसायीले पनि दक्ष श्रमिक पठाउन पाउने भएका छन्। विभिन्न मुलुकबाट कामदार लैजानका लागि कोरिया सरकारले विभिन्न प्रकारका भिसा प्रदान गर्दै आएको छ। सीपयुक्त र दक्ष कामदार लैजानका लागि प्रदान गरिएको ई-७ भिसामा अब नेपाली श्रमिकहरू म्यानपावरबाटै जान पाउने भएका हुन्।

युवा, श्रम तथा रोजगार मन्त्रालयको वैदेशिक रोजगार व्यवस्थापन महाशाखाले परराष्ट्र मन्त्रालयलाई पत्र लेख्दै ई-७ भिसामा कोरिया रोजगारका लागि पठाउने प्रयोजनका लागि वैदेशिक रोजगार ऐन २०६४ तथा अन्य प्रचलित कानुन बमोजिम कूटनीतिक नियोगबाट मागपत्र प्रमाणीकरण गर्नका लागि सहजीकरण गरिदिन अनुरोध गरेको छ।