गाउँका युवाहरूले आफ्नो बेइज्जत गरेर भिडि‌ओ भाइरल बनाइदिए पछि बालिकाले गरिन् आत्महत्या

काठमाडौं । बारामा आफ्नो मानमर्दन हुने किसिमको भिडिओ सामाजिक सञ्जालमा सार्वजनिक भएपछि एक किशोरीले आत्महत्या गरेकी छिन् । बाराको कलैया उपमहानगरपालिका-२१ की १३ वर्षीया सरिया खातुनले आफ्नै घरमा झुन्डिएर आत्महत्या गरेकी हुन्।

गत १५ असारमा गाउँकै केही युवाहरूले बालिकालाई घेरेर अपमानित गरेको भिडिओ सामाजिक सञ्जालमा सार्वजनिक भएको थियो । भिडिओमा ती युवाले भोजपुरी भाषामा कुराकानी गर्दै बालिकालाई दुर्व्यवहार गरिरहेको सुनिन्छ ।