विद्युत् नियमन आयोगमा नयाँ नेतृत्व खोज्दै सरकार, ‘उदीयमान ऊर्जा अर्थतन्त्र’ निर्माणमा जोड

काठमाडौं । सरकारले विद्युत् नियमन आयोगको नयाँ नेतृत्व चयन प्रक्रिया अघि बढाएको छ । ऊर्जा, जलस्रोत तथा सिँचाइ मन्त्रालयले बिहीबार सार्वजनिक सूचना जारी गर्दै आयोगका अध्यक्ष एक र सदस्य चार पदका लागि खुला प्रतिस्पर्धामार्फत आवेदन आह्वान गरेको हो ।

मन्त्रालयका अनुसार चार सदस्य पदमध्ये एक पद महिलाका लागि सुनिश्चित गरिएको छ । विद्युत् नियमन आयोग ऐन, २०७४ को दफा ५ अनुसार नियुक्ति प्रक्रिया अघि बढाइएको हो । इच्छुक उम्मेदवारले ऐनमा तोकिएको न्यूनतम शैक्षिक योग्यता र अनुभव पूरा गरेको हुनुपर्नेछ ।