विद्या भण्डारीलाई तत्काल महत्त्वपूर्ण जिम्मेवारी दिन इच्छुक छैनन् ओली !

काठमाडौँ । नेकपा एमालेले पार्टीकी पूर्वउपाध्यक्ष समेत रहेकी पूर्वराष्ट्रपति विद्यादेवी भण्डारीको सदस्यता खुला गर्ने निर्णयसँगै पार्टीमा अब उनले कस्तो जिम्मेवारी पाउँछिन् भन्ने चासो सर्वत्र छ । एमालेका धेरैजसो नेता कार्यकर्ताहरूको भविष्य जोडिएकाले पनि पार्टीभित्रमा यसबारे चासो बढेको नेताहरूको भनाइ छ ।

‘अब केपी ओलीबाट पार्टी चल्दैन भन्ने निष्कर्ष पार्टीका ८० प्रतिशत नेता कार्यकर्ताको छ । यस्तो अवस्थामा सबैले मान्ने र स्वीकार्य हुने व्यक्ति भनेको विद्या भण्डारी नै हो’, एमालेका एक पदाधिकारी भन्छन्, ‘तर ओली पार्टी सत्ता छाड्न अझै तयार भैहाल्छन् भन्ने विश्वास गर्न सकिने अवस्था छैन ।’