वैज्ञानिकहरूको नयाँ चमत्कार : कृत्रिम अण्डाबाट चल्ला कोरल्न सफलता

डालस । डालसस्थित एक बायोटेक कम्पनीले पूर्ण रूपमा ‘कृत्रिम अण्डा’ विकास गरेको दाबी गरेको छ, जसको सहयोगमा विभिन्न प्रजातिका चराहरू कोरल्न सकिनेछ। यस प्रविधिले सैद्धान्तिक रूपमा लोप भइसकेका चराका प्रजातिहरूलाई ब्युँताउन र लोपोन्मुख प्रजातिहरूलाई जोगाउन मद्दत पुग्ने बताइएको छ।

‘कोलोसल बायोसाइन्सेस’ नामक यस कम्पनीको घोषित लक्ष्यहरूमध्ये एक चौधौँ शताब्दीमा लोप भएको न्युजिल्यान्डको ३ मिटर अग्लो चरा ‘साउथ आइल्यान्ड जायन्ट मोआ’ (डाइनोर्निस रोबस्टस) लाई पुनर्जीवित गर्नु पनि हो।