२३ भदौ र १० भदौ : हाम्रा लागि एउटै पाठ

आउँदो दुई दिन हामीले दुई फरक घटनालाई सम्झनेछौं। भदौ २२ मा देश भोटेकोसी–त्रिशूलीको विनाशकारी बाढीमा जीवन गुमाएकाहरूको शोकमा रहनेछ। त्यसको भोलिपल्ट, भदौ २३ मा एक वर्षअघि नेपालको राजनीतिक परिदृश्य नै बदलिदिएको जेनजी आन्दोलनका सहिदहरूलाई सम्झिनेछ।

एक दिन प्राकृतिक विपद्को पीडा, अर्को दिन सामाजिक–राजनीतिक उथलपुथलको स्मृति। प्रकृति र कारणका हिसाबले यी दुई घटना एकअर्कासँग तुलना गर्न मिल्दैनन्। तर लगातार आउने यी दुई स्मृति–दिनले एउटा असहज प्रश्न सोध्ने अवसर भने दिएका छन्- ठूलो परिवर्तन देखिनुअघि हामीले के देखिरहेका थियौं र के देखिरहेका थिएनौं ?