१५औं महाधिवेशन पेपरलेस बनाउने कांग्रेसको योजना, विद्युतीय भोटिङ मसिन प्रयोग हुने

काठमाडौं । नेपाली कांग्रेसले आफ्नो आगामी १५औं महाधिवेशनलाई प्रविधिमैत्री बनाउँदै निर्वाचन प्रक्रियालाई डिजिटलाइजेसन गर्ने निर्णय गरेको छ । ललितपुरको बीपी नगरस्थित केन्द्रीय कार्यालयमा आइतबार बसेको केन्द्रीय निर्वाचन समितिको बैठकले परम्परागत मतपत्रको साटो विद्युतीय भोटिङ मसिन (ईभीएम) वा पेपरलेस प्रविधिलाई प्राथमिकताका साथ अगाडि बढाउने निर्णय गरेको हो ।

समितिका संयोजक वरिष्ठ अधिवक्ता प्रेमबहादुर खड्काको अध्यक्षतामा बसेको उक्त बैठकले महाधिवेशनलाई स्वच्छ र निष्पक्ष रूपमा सम्पन्न गर्न प्रविधिको उच्चतम प्रयोग गर्ने लक्ष्य लिएको छ ।