सभामुखले विपक्षीलाई पेलेरै संसद बैठक अघि बढाए

काठमाडौं । प्रधानमन्त्री वालेन्द्र शाहलाई भेटेर आएपछि सभामुख डीपी अर्यालले विपक्षीलाई पेलेरै संसद बैठक अघि बढाएका छन् । विपक्षी दल नेकपा एमाले र नेकपाका सांसदहरूले संसदमा प्रधानमन्त्री शाहको उपस्थिति अनिवार्य गराउन माग गर्दै आएका थिए ।

श्रम संस्कृति पार्टीका सांसदहरूले त विगत केही दिनदेखि पम्प्लेट टाँसेरै विरोध जनाउँदै आएका छन् । बैठकको सुरुदेखि नै प्रधानमन्त्रीको खोजी गरेका विपक्षी सांसदहरूले निरन्तर बैठक अवरुद्ध गरेपछि सभामुख अर्याल प्रधानमन्त्रीसँग भेट गर्न पुगेका थिए ।