बैंकिङ क्षेत्रमा बढ्दो कार्यदबाब र सुरक्षा चुनौतीप्रति ७ संगठनको चिन्ता: कर्मचारीको आत्महत्याबारे निष्पक्ष छानबिनको माग

काठमाडौं । प्रमुख सातवटा बैंकका कर्मचारी युनियनहरूले बैंकिङ क्षेत्रमा पछिल्लो समय बढ्दै गएको अत्यधिक कार्यदबाब, असुरक्षित कार्य वातावरण र कर्मचारीको मानसिक स्वास्थ्यप्रति गम्भीर चिन्ता व्यक्त गरेका छन् ।

जेठ ४ गते ग्लोबल आइएमई बैंक, विराटनगरमा कार्यरत कर्मचारी पीताम्बर खड्काले आत्महत्या गरेको घटनालाई लिएर ती संगठनहरूले संयुक्त प्रेस विज्ञप्ति जारी गर्दै सरकार र नियामक निकायको गम्भीर ध्यानाकर्षण गराएका हुन् ।