धनुषामा करेन्ट लागेर एकजनाको मृत्यु

काठमाडौं । धनुषामा करेन्ट लागेर एकजनाको मृत्यु भएको छ । गणेशमान चारनाथ नगरपालिका–८ बस्ने २५ वर्षीय रामबाबु साहको करेन्ट लागेर आइतबार बिहान मृत्यु भएको हो ।

जनकपुरधाम उपमहानगरपालिका–८ स्थित मामा घरमा रहेको कलमा जडित पानी तान्ने विद्युतीय मोटरबाट करेन्ट लागेर साह गम्भीर घाइते भएका थिए । उनको न्यूरो अस्पताल जनकपुरमा उपचारको क्रममा मृत्यु भएको प्रहरीले जनाएको छ ।