कृष्ण दुलालको पीएलओले ९ महिनामा गर्‍यो साढे ६७ करोडको व्यापार, वित्तीय स्थिति सबल

काठमाडौं । व्यवसायी कृष्णप्रसाद दुलालको पूर्वाञ्चल ल्यूब आयलले चालू आर्थिक वर्षको ९ महिनाको अवधिमा साढे ६७ करोड रुपैयाँको कारोबार गरेको छ । कम्पनीले गत आवमा ८९ करोड ९० लाख रुपैयाँ, सन् २०२४ मा ७८ करोड ७० लाख रुपैयाँ र सन् २०२३ मा ७७ करोड ४० लाख रुपैयाँको कारोबार गरेको थियो ।

कम्पनीको कारोबार गत आवमा १२ प्रतिशतले वृद्धि भएको छ । गत आवमा कम्पनीको सञ्चालन नाफा कुल व्यापारको १५.८८ प्रतिशत थियो । सन् २०२४ मा नाफा मार्जिन १७.७५ प्रतिशत थियो । कम्पनीको कुल नगद सञ्चय ८ करोड ९० लाख रुपैयाँ रहेको छ । सन् २०२४ मा ७ करोड ५० लाख रुपैयाँ थियो । त्यसैगरी चालू आवको ९ महिनाको अवधिमा ९.२५ खुद सञ्चालन नाफा भएको उल्लेख छ । साथै, चालू आवको सो अवधिमा ८ करोड १० लाख रुपैयाँ कुल नगद सञ्चय रहेको छ ।