नेपाल एसीसी प्रिमियर कपको सेमिफाइनलमा

काठमाडौँ । नेपाल तेस्रो संस्करणको पुरुष एसीसी प्रिमियर कपको सेमिफाइनलमा पुगेको छ । आज भएको आफ्नो तेस्रो खेलमा नेपालले साउदी अरबलाई ५ विकेटले हराउँदै सेमिफाइनलको स्थान पक्का गरेको हो ।

साउदी अरबले दिएको १ सय ९१ रनको लक्ष्य पछ्याएको नेपालले ४१ ओभरमा ५ विकेट गुमाएर पूरा गर्‍यो । नेपालका इसान पाण्डेले ५९ बलमा ४०, देव खनालले ५८ बलमा ३९ र गुलशनकुमार झाले ३५ बलमा अविजित ४४ रन बनाए ।