भैरहवा भन्सारमा ४ जना नियन्त्रणमा

भैरहवा । जिल्ला प्रहरी कार्यालय रुपन्देही र सशस्त्र प्रहरी बल नेपाल नं २७ गण मुख्यालय रुपन्देहीको संयुक्त टोलीले भैरहवा भन्सार क्षेत्रमा सञ्चालन गरेको डग स्निफिङसहितको स्वीप अपरेसनका क्रममा ४ जनालाई नियन्त्रणमा लिएको छ ।

रुपन्देही जिल्ला प्रहरी कार्यालयका सूचना अधिकारी एवं प्रहरी नायब उपरीक्षक कृष्णकुमार चन्दले भैरहवा भन्सार कार्यालयको यात्रु शाखामा यात्रुलाई अनावश्यक हैरानी दिइरहेका व्यक्तिलाई आइतबार नियन्त्रणमा लिई थप अनुसन्धान अघि बढाइएको बताए । जिल्ला प्रहरी कार्यालयका अनुसार नियन्त्रणमा पर्नेमा भारत उत्तर प्रदेशको महाराजगन्जका २१ वर्षीय राज पाल रहेका छन् । उनको साथबाट भारु चार हजार ८५०, नेपाली रु ४०० तथा एक थान मोबाइल बरामद भएको प्रहरीले जनाएको छ ।