भारतीय सीमावर्ती नदीमा ७ शव फेला

काठमाडौं । रसुवा बाढीमा बगेर भारत पुगेका सातजनाको शव भेटिएको छ । भारतको उत्तर प्रदेशस्थित महराजगंज र कुशीनगर जिल्ला भई बग्ने गण्डक (नारायणी) नदी क्षेत्रबाट ती शवहरू उद्धार गरिएको हो।

भारतीय अधिकारीहरूका अनुसार महराजगंजमा चार र कुशीनगरमा तीन गरी कुल पाँच महिला र दुई पुरुषको शव फेला परेको छ। सीमा क्षेत्रमा परिचालन भएको सशस्त्र सीमा बल (एसएसबी) को टोलीले नदीमा नियमित निगरानी गर्ने क्रममा शवहरू तैरिरहेको देखी मोटरबोटको प्रयोग गरी बाहिर निकालेको थियो।