काबो भर्डेमा बस दुर्घटना, २१ जनाको मृत्यु

अफ्रिकी देश काबो भर्डेको फोगो द्वीपमा शनिबार राति भएको भीषण बस दुर्घटनामा कम्तीमा २१ जनाको मृत्यु भएको छ । दुर्घटनामा केही अन्य व्यक्ति घाइते भएका स्थानीय अधिकारीहरूले बताएका छन् ।

स्थानीय अधिकारीका अनुसार यात्रु बोकेको बस सडकबाट अनियन्त्रित भई करिब ३० मिटर गहिरो भिरमा खसेको थियो । दुर्घटना फोगो द्वीपको उत्तरी उच्च भूभागमा पर्ने साओ फिलिपे नगरपालिकाअन्तर्गत चा दास काल्देइरास र क्याम्पानास दे सिमाबीचको सडकमा भएको हो ।