काठमाडौं महानगरको नीति सार्वजनिक : डिजिटल रूपान्तरण र स्मार्ट शहरी विकासमा जोड

काठमाडौं । काठमाडौं महानगरपालिकाले आर्थिक वर्ष २०८३/८४ का लागि आफ्नो नीति तथा कार्यक्रम सार्वजनिक गरेको छ । राष्ट्रिय सभा गृहमा आज बसेको नगरसभाको १९ औँ अधिवेशनमा कार्यवाहक प्रमुख सुनिता डंगोलले १०१ बुँदे नीति तथा कार्यक्रम प्रस्तुत गरेकी हुन् ।

महानगरले आगामी आर्थिक वर्षका लागि दीर्घकालीन विकास दृष्टिकोणलाई आधार बनाउँदै ११ वटा प्रमुख क्षेत्रलाई समेटेर नीति निर्माण गरेको छ । चालु आर्थिक वर्ष २०८२/८३ मा सम्पन्न हुन नसकेका बहुवर्षीय योजनालाई निरन्तरता दिने उद्देश्य पनि नीति तथा कार्यक्रममा समावेश गरिएको छ ।