ग्रीन हाइड्रोजनदेखि सौर्य ऊर्जा विस्तारसम्म : सरकारको नयाँ ऊर्जा रोडम्याप

काठमाडौं । सरकारले आगामी आर्थिक वर्षको बजेटमार्फत नवीकरणीय ऊर्जा तथा ऊर्जा दक्षता कार्यक्रमलाई उच्च प्राथमिकतामा राख्दै २ अर्ब ६२ करोड ७४ लाख रुपैयाँ विनियोजन गरेको छ । विनियोजित रकममध्ये नेपाल सरकारको योगदान १ अर्ब १९ करोड ७४ लाख रुपैयाँ रहेको छ भने वैदेशिक सहायताबाट १ अर्ब ४३ करोड रुपैयाँ प्राप्त हुने व्यवस्था गरिएको छ ।

ऊर्जा, जलस्रोत तथा सिँचाइ मन्त्रालयअन्तर्गत वैकल्पिक ऊर्जा प्रवर्द्धन केन्द्रमार्फत कार्यान्वयन हुने यी कार्यक्रमहरूलाई देशको ऊर्जा पहुँच विस्तार र दिगो विकास लक्ष्य हासिल गर्ने महत्वपूर्ण आधारका रूपमा लिइएको छ ।