लुम्बिनी प्रदेशको बजेट असार १ मा : डिजिटल सुशासन र विकासमा जोड

काठमाडौं । लुम्बिनी प्रदेश सरकारले आगामी आर्थिक वर्ष २०८३/०८४ को बजेट असार १ गते सोमबार प्रदेशसभामा प्रस्तुत गर्ने भएको छ । प्रदेशसभा आठौँ अधिवेशनअन्तर्गत नवौँ बैठकमा बेलुका ५ बजे आर्थिक मामिला तथा योजनामन्त्री धनेन्द्र कार्कीले बजेट पेस गर्ने कार्यक्रम रहेको छ ।

सरकारले सीमित स्रोतसाधन, बढ्दो वित्तीय दायित्व तथा अधुरा विकास योजनाहरूलाई ध्यानमा राख्दै आगामी बजेट निर्माण गरेको जनाएको छ । विशेष गरी दायित्व भुक्तानी, प्रदेश गौरवका आयोजना, बहुवर्षीय तथा क्रमागत योजनालाई निरन्तरता दिनेगरी बजेट केन्द्रित हुने बताइएको छ ।