एनभीएलमा अन्नपूर्ण स्पाइकर्स किंग्सको पहिलो जित

काठमाडौँ । नेपाल भलिबल लिग (एनभीएल) मा अन्नपूर्ण स्पाइकर्स किंग्सले पहिलो जित दर्ता गरेको छ । त्रिपुरेश्वरमा रहेको राष्ट्रिय खेलकुद परिषद् (राखेप) को कभर्डहलमा भएको आजको पहिलो खेलमा अन्नपूर्णले काठमाडौँ रेड्सलाई ३–० को सोझो सेटमा हरायो । अन्नपूर्ण २५–२३, २८–२६ र २५–२३ ले विजयी भयो ।

आफ्नो पहिलो खेलमा अन्नपूर्ण कर्णाली शिवराजसँग पराजित भएको थियो भने काठमाडौँले मधेस वारियर्सलाई हराएको थियो । यस्तै, बेलुकी ७ बजे कर्णाली शिवराज र खप्तड फालकन्स खेल्दैछन् । आफ्नो पहिलो खेलमा खप्तड सगरमाथासँग पराजित भएको थियो ।