बागलुङमा ७९ लाखको लागतमा स्वास्थ्यचौकी भवन तयार

बागलुङ। बागलुङ नगरपालिका–६ मा लहरेपिपल स्वास्थ्यचौकीको नयाँ भवन निर्माण गरिएको छ। वर्षौँ पुरानो जीर्ण भवनबाट सेवाप्रवाह गर्दा असहज भएपछि नयाँ भवन निर्माण गरिएको हो।

चालु आर्थिक वर्षमा सङ्घीय सरकारले विनियोजन गरेको ७४ लाख रुपैयाँ र स्थानीयको ५ लाख रुपैयाँ बराबरको जनश्रमदान गरी कुल ७९ लाख रुपैयाँको लागतमा भवन निर्माण गरिएको वडाध्यक्ष रुद्रबहादुर केसीले जानकारी दिएका छन्। गत वैशाख पहिलो साता निर्माण समितिसँग सम्झौता गरी काम सुरु भएकामा छोटो समयमै भवन निर्माण सम्पन्न भएको हो।