विपद्का बेला अपुष्ट सूचना र हृदयविदारक सामाग्री नफैलाउन सरकारको आग्रह

काठमाडौं । रसुवा, नुवाकोट र धादिङसहितका क्षेत्रमा आएको प्राकृतिक विपद्का घटनासम्बन्धी सूचना तथा दृश्य सामग्री सम्प्रेषण गर्दा विशेष संवेदनशीलता अपनाउन सरकारले सञ्चारमाध्यम र सामाजिक सञ्जाल प्रयोगकर्तालाई आग्रह गरेको छ ।

सूचना तथा सञ्चार मन्त्रालयले विज्ञप्ति जारी गर्दै विपद्का समयमा सार्वजनिक गरिने सूचना तथा सामाग्रीले उद्धार, राहत र प्रभावित नागरिकको मनोविज्ञानमा पार्ने प्रभावलाई ध्यान दिन आग्रह गरेको हो ।