प्रतिनिधि सभा बैठक बस्दै: विशेष सेवा ऐन ब्युँताउने लगायत यस्तो छ कार्यसूची

काठमाडौँ । प्रतिनिधि सभाको बैठक आज बिहान ११ बजे संघीय संसद् भवन सिंहदरबारमा बस्दै छ। आजको बैठकका लागि संसद् सचिवालयले सम्भावित कार्यसूची सार्वजनिक गरेको छ, जसमा विभिन्न महत्त्वपूर्ण विधेयकहरू प्रस्तुत गर्ने र दफावार छलफलका लागि समितिमा पठाउने कार्यक्रम रहेको छ।

आजको बैठकमा प्रधानमन्त्री वालेन्द्र साहको तर्फबाट कानून, न्याय तथा संसदीय मामिला मन्त्री सोबिता गौतमले ‘नेपाल विशेष सेवा ऐन, २०४२ को साविकको व्यवस्था जगाउने सम्बन्धी विधेयक, २०८३’ लाई प्रस्तुत गर्न अनुमति माग्ने प्रस्ताव पेस गर्ने कार्यसूची छ। अनुमति पाएलगत्तै मन्त्री गौतमले उक्त विधेयक संसद्मा प्रस्तुत गर्नेछिन्।