किभमा रुसी क्षेप्यास्त्र र ड्रोन आक्रमणमा ७ जनाको मृत्यु, अपार्टमेन्टहरूमा ठूलो क्षति

काठमाडौं । युक्रेनको राजधानी किभमा सोमबार बिहानै रुसले गरेको क्षेप्यास्त्र र ड्रोन आक्रमणमा परी कम्तीमा ७ जनाको मृत्यु भएको छ। सहरको सैन्य प्रशासनका प्रमुख तैमुर तकाचेन्कोका अनुसार उक्त आक्रमणमा परी अन्य २४ जना घाइते भएका छन्। आक्रमणबाट कैयौं आवासीय अपार्टमेन्ट र अन्य भौतिक संरचनाहरूमा गम्भीर क्षति पुगेको छ।

किभका मेयर भिटाली क्लित्स्कोले रातभर भएको भारी आक्रमणपछि भत्किएका भवनहरूको भग्नावशेषबाट बासिन्दाहरूलाई उद्धार गर्ने कार्य भइरहेको जानकारी दिएका छन्।