दूरसञ्चार प्राधिकरणको कानून सदस्यका लागि पुनः दरखास्त आह्वान

काठमाडौं । सञ्चार तथा सूचना प्रविधि मन्त्रालयले नेपाल दूरसञ्चार प्राधिकरणको रिक्त सदस्य (कानून) पदका लागि पुनः दरखास्त आह्वान गरेको छ । यसअघि गत बैशाख २६ गते प्रकाशित सूचना अनुसार पर्याप्त संख्यामा योग्य आवेदकहरूको आवेदन नपरेपछि मन्त्रालयले शुक्रबार पुनः नयाँ सूचना जारी गर्दै दरखास्त मागेको हो ।

मन्त्रालयद्वारा गठित सिफारिस समितिले प्राधिकरणको सदस्य (कानून) पदमा एक जना नियुक्तिका लागि इच्छुक र योग्य नेपाली नागरिकहरूबाट आवेदन माग गरेको छ ।