बालबालिकाको सुरक्षाका लागि मेटाको १८ अर्ब डलरको सम्झौता

काठमाडौं । बालबालिका तथा किशोरकिशोरीलाई सामाजिक सञ्जालको सम्भावित हानिबाट जोगाउन अमेरिकी राज्यहरूसँगको कानुनी विवाद टुंग्याउँदै मेटा प्लेटफर्म्सले करिब १८ अर्ब अमेरिकी डलरसम्मको सम्झौता गरेको छ ।

सम्झौताअनुसार मेटाले फेसबुक र इन्स्टाग्राममा १८ वर्षमुनिका प्रयोगकर्ताका लागि थप कडा सुरक्षा व्यवस्था लागू गर्नुपर्नेछ । सम्झौता १० वर्षसम्म लागू रहनेछ र यसअन्तर्गत किशोर प्रयोगकर्ताको सामाजिक सञ्जाल प्रयोगको समय, रातिको पहुँच, उमेर प्रमाणीकरण तथा अभिभावकीय नियन्त्रणमा महत्वपूर्ण परिवर्तन गरिनेछ ।