एनपीएल तेस्रो संस्करणको खेलाडी अक्सन आज, ५२ खेलाडी छानिँदै

काठमाडौँ । नेपाल प्रिमियर लिग (एनपीएल) को तेस्रो संस्करणका लागि खेलाडीहरूको अक्सन (बोलकबोल) आज हुँदै छ। नेपाल क्रिकेट सङ्घ (क्यान) को आयोजनामा हुन लागेको यस अक्सनले प्रतियोगितामा सहभागी फ्रेन्चाइज टोलीहरूको अन्तिम रूप तय गर्नेछ।

क्यानका अनुसार अक्सनमार्फत प्रत्येक फ्रेन्चाइज टोलीले आफ्नो टोलीलाई पूर्णता दिन थप दुई नेपाली खेलाडीहरू अनुबन्ध गर्न पाउनेछन्। अक्सनको अन्तिम सूचीमा परेका कुल १५५ खेलाडीमध्येबाट ५२ जना खेलाडी विभिन्न फ्रेन्चाइज टोलीहरूमा आबद्ध हुने सुनौलो अवसर पाउनेछन्।