गृहमा सहसचिवलाई जगेडामा राखेर उपसचिवलाई जिम्मेवारी

काठमाडौँ । गत शुक्रबार गृह मन्त्रालयले ४२ उपसचिवको सरुवा गर्‍यो । सरुवामा सहसचिवको दरबन्दी रहेका जुम्ला र डडेलधुरामा प्रमुख जिल्ला अधिकारी बनाएर उपसचिवलाई पठाइयो । गृहसचिव राजकुमार श्रेष्ठ स्तरीय निर्णयबाट जुम्लामा उपसचिव तेजप्रकाश प्रसाईं र डडेलधुरामा उपसचिव मिना अर्याललाई प्रमुख जिल्ला अधिकारी बनाएर पठाइयो ।

जबकि मन्त्रालयको अतिरिक्त समूह (जडेगा)मा दुई सहसचिव जिम्मेवारीविहीन भएर बसिरहेका छन् । मन्त्रालयको कर्मचारी प्रशासन शाखाका अनुसार सहसचिवद्वय भूपेन्द्र थापा र पुष्पराज शाही जगेडामा छन् । तर, सहसचिवको दरबन्दी भएका जिल्लामा उपसचिवलाई जिम्मेवारी दिएपछि गृहकै कर्मचारीहरू असन्तुष्ट बनेका छन् ।