संविधान संशोधनको एजेण्डामा ‘राष्ट्रिय सहमति’

काठमाडौं । संविधानसभाबाट निर्माण भएको १० वर्ष पुरानो नेपालको संविधान २०७२ को संशोधनको एजेण्डामा करिब करिब राष्ट्रिय सहमति भएको छ । संविधान निर्माण गरेकै दिनदेखि असहमति सुरु भए पनि १० वर्ष ढुक्कसँग चलेको संविधान गत २३ र २४ भदौमा भएको जेनजी आन्दोलनले जरैसम्म हल्लाइदिएपछि संविधान संशोधनको एजेण्डामा करिब करिब राष्ट्रिय सहमति जुटेको हो ।

जेनजी आन्दोलनपछि भएको निर्वाचनमा सबैभन्दा ठूलो पार्टी बनेको राष्ट्रिय स्वतन्त्र पार्टीले आफ्नो प्रतिष्ठाको सवाल बनाएको यो एजेण्डामा यतिबेला पुराना दल नेपाली कांग्रेस, नेपाल कम्युनिस्ट पार्टी एमाले, नेपाली कम्युनिस्ट पार्टीलगायतका दल पनि तयार भएपछि संविधान संशोधनको एजेण्डाले गति पाउने पक्का भएको हो ।