विश्व बैंकले नेपालमा ‘कन्ट्री ओपिनियन सर्भे २०२६’ सुरु गर्यो, सरोकारवालाको धारणा संकलन गरिने

काठमाडौं- विश्व बैंक समूहले नेपालमा आफ्नो कार्यसम्पादन, संलग्नता र विकास साझेदारीको प्रभावकारिताबारे सरोकारवालाहरूको धारणा संकलन गर्न ‘कन्ट्री ओपिनियन सर्भे २०२६’ सुरु गरेको छ।

विश्व बैंकका अनुसार संस्थाको कार्यशैलीमा सुधार ल्याउने, विकास साझेदारीलाई थप प्रभावकारी बनाउने तथा नेपालको विकास प्रक्रियामा आफ्नो भूमिकालाई सुदृढ गर्ने उद्देश्यले सर्वेक्षण सञ्चालन गरिएको हो।