चीनले गर्‍यो आणविक पनडुब्बीमार्फत मिसाइल परीक्षण, तीन देशबाट तिखो आलोचना

काठमाडौं । चीनले आणविक ऊर्जा सञ्चालित पनडुब्बीबाट लामो दूरीको ब्यालिस्टिक मिसाइलको सफल परीक्षण गरेको छ । उक्त मिसाइल प्रशान्त महासागरको तोकिएको जलक्षेत्रमा खसेको चीनको सरकारी समाचार एजेन्सी सिन्ह्वा ले जनाएको छ ।

चीनको यो कदमप्रति जापान, अस्ट्रेलिया र न्युजिल्यान्डले गम्भीर चिन्ता व्यक्त गर्दै आपत्ति जनाएका छन् । चिनियाँ नौसेनाले सोमबार दिउँसो १२ः०१ बजे दक्षिण प्रशान्त महासागरमा तैनाथ आफ्नो एक आणविक ऊर्जा सञ्चालित पनडुब्बीबाट उक्त मिसाइल प्रहार गरेको सिन्ह्वा ले जनाएको हो ।