वल्र्डकप फुटबल र झरीले चलचित्र बजार ठप्प

काठमाडौं । यति बेला नेपालका चलचित्र घरहरूमा नेपाली चलचित्र छैनन् । देशभरका १७५ चलचित्र घरमा नेपाली चलचित्र नहुनु आफैँमा विडम्बना हो । तर हाल जारी वल्र्डकप फुटबल र असारको निरन्तर झरीले चलचित्र घरमा दर्शकको उपस्थिति शून्य जस्तै भएपछि केही हप्ता अघि रिलिज भएका नेपाली चलचित्र समेत चलचित्र घरबाट हटाइएको छ ।

६०दिन अघि रिलिज भएको नेपाली चलचित्र ‘लालीबजार’ पनि चलचित्र घरबाट यो शुक्रवारदेखि हटेको छ । बलिउडका दुई ठुला चलचित्र ‘अल्फा’ र ‘बेबी डु डाई डु’ रिलिज भएपछि यस अघि प्रदर्शन हुँदै आएका सबै नेपाली चलचित्रलाई चलचित्र घरबाट हटाइएको हो । तर प्रदर्शनको दोस्रो दिन शनिवारबाटै ‘अल्फा’ र ‘बेबी डु डाई डु’को व्यापारिक अवस्था नाजुक छ ।