नेविसंघले भन्यो- शिक्षा क्षेत्रमा सय दिन अवसर गुमेको अवधि

२२ असार, काठमाडौं । नेपाली कांग्रेसको भ्रातृ संस्था नेपाल विद्यार्थी संघले सरकारको सय दिनमा शिक्षा क्षेत्रमा निराशाजनक समय रहेको टिप्पणी गरेको छ । सरकारले शिक्षा क्षेत्रमा गरेका निर्णयहरू वैज्ञानिक अध्ययनको आधारमा नभएको नेविसंघको ठहर छ ।

‘विश्वविद्यालयको स्वायत्तता खोस्ने अध्यादेशदेखि परीक्षा प्रणालीको विश्वसननियता माथि प्रश्न उठाउने व्यवस्थापकीय लापरवाही, बिना तयारी लिइएका नीतिगत निर्णयहरू र अदालतको आदेशको अवहेलनासम्म समग्रमा यो अवधि मुलुकको शिक्षा क्षेत्रका लागि ‘अवसर गुम्ने सय दिन,’ भएको छ,’ संघको अध्यक्ष करुणा कटुवालले विज्ञप्ति निकालेर भनेकी छन् ।