निजी लगानीमा क्रिकेट पूर्वाधार फस्टाउँदै, सरकारी रङ्गशाला अझै अधुरो

रुपन्देहीमा निजी क्षेत्रको लगानीमा क्रिकेट पूर्वाधार तीव्र रूपमा विस्तार भइरहेका बेला सरकारी स्वामित्वको सिद्धार्थ क्रिकेट रङ्गशाला भने अझै निर्माण सम्पन्न हुन सकेको छैन।

तिलोत्तमा नगरपालिका–१७ पूर्वदरखसवामा अष्ट्रेलियामा व्यवसाय गर्दै आएका विनोद कुँवरको लगानीमा करिब ६० करोड रुपैयाँ लागतमा एक्स्ट्राटेक ओभल क्रिकेट मैदान निर्माण अन्तिम चरणमा पुगेको छ। छ बिघा क्षेत्रफलमा फैलिएको मैदानमा ड्रेसिङ रुम, मिडिया बक्स र भिआइपी बक्सलगायतका संरचना निर्माण भइरहेका छन्।