सीमा क्षेत्रको बाँध अग्लो बनाउँदा, गौर डुबानको जोखिममा

रौतहट । रौतहटको गौर र भारतको बैरगनिया सीमा क्षेत्रमा भारतीय पक्षले अन्तर्राष्ट्रिय नियमविपरीत एकतर्फी रूपमा बनाएको बाँध मर्मतको बाहनामा झन् अग्लो र बलियो बनाएको छ।

सीमा क्षेत्रको दशगजा वा त्यसको नजिक दुवै देशको सहमतिबिना कुनै पनि भौतिक संरचना निर्माण, विस्तार वा परिवर्तन गर्न नपाइने नियम छ। तर भारतीय पक्षले यो प्रावधानको बेवास्ता गर्दै बाँध मर्मतको नाममा माटो थपेर त्यसको उचाइ र चौडाइ बढाउने काम गरिरहेको छ।