कर्णालीमा भेटिएका दुई शव दैलेख बस दुर्घटनासँग सम्बन्धित नभएको पुष्टि

कैलालीको कर्णाली नदीमा सोमबार बिहान फेला परेका दुई शव दैलेखमा भएको बस दुर्घटनासँग सम्बन्धित नरहेको प्रहरीले जनाएको छ।

लम्कीचुहा नगरपालिका–३, चिसापानी नजिक गोराङ्गे क्षेत्रमा भेटिएकी किशोरी सुर्खेतको भेरीगंगा नगरपालिका–८ की १५ वर्षीया स्न्याहा सुनार भएको अनुमान गरिएको छ। उनी साउन २० गते भेरी नदीमा दाउरा टिप्ने क्रममा बगेर बेपत्ता भएकी थिइन्। प्रहरीका अनुसार शवको हुलिया परिवारले दिएको विवरणसँग धेरै मिलेको छ भने अन्तिम पहिचानका लागि परिवार घटनास्थलतर्फ आउँदैछ।