रोजगार सिर्जना गर्न सरकार प्राथमिकताका साथ काम गरिरहेको छ : मन्त्री यादव

काठमाडौँ- युवा, श्रम तथा रोजगारमन्त्री रामजी यादवले आन्तरिक रोजगार सिर्जना गर्नका लागि सरकारले प्राथमिकताका साथ काम गरिरहेको बताएका छन्।

सोमबार राष्ट्रियसभा बैठकमा आफ्ना मन्त्रालयको बजेटमाथि उठेका प्रश्नको जवाफ दिँदै मन्त्री यादवले स्वदेशमा नै रोजगारी सिर्जनाका साथै वैदेशिक रोजगारबाट फर्किएका नागरिकको सीप र अनुभवलाई राष्ट्रिय निर्माणसँग जोड्न सक्ने गरी सरकार अघि बढेको बताएका हुन्।