मिचाहा वनस्पतिबाट मल

रैथाने बोटबिरुवा, घाँसेमैदान र वन्यजन्तुका लागि समस्या बनेका मिचाहा वनस्पतिलाई चितवनको कालिका नगरपालिकास्थित थाङखोला सामुदायिक वनका उपभोक्ताले आम्दानीको स्रोतमा बदल्न थालेका छन्। लहरे वनमारा, कालो वनमारा, जलकुम्भी र पातीझार जस्ता बाह्य मिचाहा वनस्पति संकलन गरेर उनीहरूले कम्पोस्ट मल उत्पादन र बिक्री गर्न थालेका हुन्।

“गत वर्षसम्म यस्ता दुःख दिने मिचाहा प्रजातिका झाडी काट्थ्यौँ र सुकेपछि डढाइदिने गर्थ्यौं,” थाङखोला सामुदायिक वनका अध्यक्ष रामबहादुर कार्की भन्छन्, “यसपालिदेखि त्यही झाडी पैसा कमाउने बाटो बनेको छ।”