पिताको अनुपस्थितिमा बिहे गर्दैछन् डोनाल्ड ट्रम्प जुनियर ?

वासिङटन डीसी । अमेरिकी राष्ट्रपति डोनाल्ड ट्रम्पका जेठा छोरा डोनाल्ड ट्रम्प जुनियरले यहि सप्ताहन्तमा बिहे गर्दैछन् । ट्रम्प जुनियरले आफ्नी पार्टनर बेटिना एन्डरसनसँग बहमासको एउटा सानो टापुमा विवाह गर्ने भएका छन् ।

स्रोतहरूका अनुसार विवाह समारोह अत्यन्त निजी र सीमित पाहुनाबिच आयोजना गरिनेछ । तर, समारोहमा सहभागी नहुने सम्भावना रहेका प्रमुख व्यक्तिमा बेहुलाका पिताको पनि नाम आइरहेको छ ।