गाउँपालिका अध्यक्षविरुद्ध तीन करोड बढीको भ्रष्टाचार मुद्दा

नवलपरासीको पाल्हीनन्दन गाउँपालिका अध्यक्ष बैजुप्रसाद गुप्ताविरुद्ध तीन करोड ४५ लाख ९९ हजार १६७ रुपियाँ भ्रष्टाचार मुद्दा दायर भएको छ ।

अख्तियार दुरुपयोग अनुसन्धान आयोगका सहायक प्रवक्ता गणेश बहादुर अधिकारीका अनुसार गुप्ता गाउँपालिका अध्यक्ष पदमा निर्वाचित भएको मिति २०७४ असार २० गतेदेखि २०७९ असार २८ गतेसम्मको अवधिलाई जाँच अवधि कायम गरी निज र निजको एकाघर परिवार/सगोलमा रहेको व्यक्तिहरुले उक्त अवधिमा निज सार्वजनिक सेवा प्रवेश पूर्वको एकासगोल परिवारको बैङ्क तथा वित्तिय संस्थाहरुमा रहेको मौज्दात रकम, पारिश्रमिक बचत, ऋण र कृषि समेतको कुल आय जम्मा तीन करोड ५१ लाख ५२ हजार ६२० रुपियाँ देखिएको छ ।