साउन ६ मा देउवा पक्षले काठमाडौंमा बृहत् कार्यक्रम गर्ने

नेपाली कांग्रेसको इतर पक्षले साउन ६ गते (बीपी स्मृति दिवस) काठमाडौंमा बृहत् कार्यक्रम आयोजना गर्ने निर्णय गरेको छ। सम्पर्क कार्यालय चुनदेवीमा बसेको बैठकले उक्त निर्णय गरेको हो।

बैठकपछि सञ्चारकर्मीसँग कुरा गर्दै नेता मीन विश्वकर्माले कार्यक्रमको स्थान र विस्तृत कार्यतालिका भने अझै तय हुन बाँकी रहेको जानकारी दिए। उनका अनुसार भोलि बस्ने बैठकले १५औँ महाधिवेशनको कार्यतालिका तथा सम्पर्क कार्यालयमार्फत सञ्चालन गरिने गतिविधिबारे पनि निर्णय गर्नेछ।