अमेरिकी तल्लो सदनबाट युक्रेनलाई सहयोग र रुसलाई प्रतिबन्ध लगाउने नयाँ विधेयक पारित

काठमाडौं । अमेरिकी राष्ट्रपति डोनाल्ड ट्रम्पको इच्छा विपरीत अमेरिकाको तल्लो सदनले युक्रेनलाई आर्थिक तथा रणनीतिक सहयोग गर्ने र रुसी अर्थतन्त्रमाथि नयाँ प्रतिबन्ध लगाउने विधेयक पारित गरेको छ ।

‘युक्रेन सपोर्ट एक्ट’मा युद्धपछि युक्रेनको पुनर्निर्माणका लागि एक अर्ब डलरभन्दा बढी सहायता उपलब्ध गराउने र आठ अर्ब डलरसम्मको प्रत्यक्ष ऋण प्रदान गर्ने व्यवस्था समावेश छ । विधेयकले रुसी वित्तीय संस्था, तेल कम्पनी तथा अधिकारीहरूमाथि प्रतिबन्ध र निर्यात नियन्त्रण लागु गर्ने प्रावधान पनि राखेको छ ।