विज्ञान प्रविधिमा ऐन-नियम बनेपछि मात्रै अबण्डाको रकम खर्च हुन्छ: मन्त्री पुन

काठमाडौँ । विज्ञान, प्रविधि तथा नवप्रवर्तन मन्त्री महावीर पुनले मन्त्रालयले विज्ञान प्रविधिको क्षेत्रमा हालसम्मकै ऐतिहासिक र ठुलो रकम छुट्याएको बताएका छन्।

सोमबार राष्ट्रिय सभामा विनियोजन विधेयक, २०८३ को मन्त्रालयगत छलफलका क्रममा सांसदहरूले उठाएका प्रश्नको जवाफ दिँदै मन्त्री पुनले यस्तो जानकारी दिएका हुन्। विगतमा विज्ञान तथा प्रविधिका क्षेत्रमा कहिल्यै यति ठूलो बजेट विनियोजन नभएको उल्लेख गर्दै उनले यसअघि २०८० सालमा १ अर्ब रुपैयाँसम्म छुट्याइए पनि आवश्यक कानुनी व्यवस्था नहुँदा सो रकम खर्च हुन नसकेको स्मरण गरे। सोही कारण हाल धेरै मानिसलाई यो रकम कहाँ र कसरी खर्च होला भन्ने उत्सुकता र अचम्म बढेको उनको भनाइ थियो।