फिफा विश्वकप : निलम्बनबाट मुक्ति पाएका बालोगनले अमेरिकालाई जिताउलान् ?

फिफा विश्वकप २०२६ को राउन्ड अफ १६ मा अमेरिका र बेल्जियम भिड्दैछन्। वासिङ्टनस्थित सिएटल स्टेडियममा हुन लागेको यो खेल नेपाली समयअनुसार मंगलबार बिहान ५ः४५ बजे सुरु हुनेछ।

अमेरिकाले समूह डीमा शीर्ष स्थान हासिल गर्दै नकआउट चरणमा प्रवेश गरेको हो। उसले समूह चरणमा पाराग्वे र अष्ट्रेलियालाई हरायो भने टर्किएसँग पराजित भयो। त्यसपछि राउन्ड अफ ३२ मा बोस्निया–हर्जगोभिनालाई २–० ले हराउँदै अन्तिम १६ मा स्थान बनायो।