अर्बौँ घोटाला काण्डः ठूला उद्योगपति एउटै फाइलमा, कोको परे फन्दामा ?

काठमाडौं । नेपालको बैंकिङ र सेयर बजार इतिहासकै ठूलो वित्तीय अपराध प्रकरणमा ८६ जनाविरुद्ध मुद्दा दायर भएको छ । उद्योगका लागि लिएको ऋण सेयर बजार र सम्पत्ति शुद्धीकरणमा प्रयोग गरेको आरोप छ भने दिपक भट्ट र शुलभ अग्रवालमाथि अर्बौं बिगो कायम गरिएको यो अभियोग के हो ?

नेपालको वित्तीय क्षेत्रलाई झस्काउने गरी सम्पत्ति शुद्धीकरणसम्बन्धी अहिलेसम्मकै ठूलो मुद्दा अदालत पुगेको छ । सीआईबी र सम्पत्ति शुद्धीकरण विभागले धितोपत्र, बीमा तथा बैंकिङ क्षेत्रसँग सम्बन्धित विभिन्न आर्थिक कारोबारमा गैरकानुनी लाभ आर्जन गरी सम्पत्ति शुद्धीकरण गरेको आरोपमा ८६ जनाविरुद्ध मुद्दा दायर गरेका छन्। विशेष अदालत, उच्च अदालत पाटन र काठमाडौं जिल्ला अदालतमा मुद्दा दर्ता भएका छन् ।