राक्सिराङले ल्यायो ६५ करोड ३१ लाखको बजेट

हेटौँडा । मकवानपुरको विकट राक्सिराङ गाउँपालिकाले कानुनी समयसीमा भन्दा १२ दिन ढिलो गरी आगामी आर्थिक वर्ष २०८३/८४ का लागि नीति, कार्यक्रम र बजेट सार्वजनिक गरेको छ । स्थानीय सरकार सञ्चालन ऐनअनुसार हरेक स्थानीय तहले असार १० गतेभित्र बजेट प्रस्तुत गर्नुपर्ने व्यवस्था भए पनि राक्सिराङ गाउँपालिकाले सोमबार बसेको २०औँ गाउँसभामार्फत आगामी आर्थिक वर्षको बजेट सार्वजनिक गरेको हो ।

गाउँसभामा गाउँपालिका अध्यक्ष राजकुमार मल्लले आगामी आर्थिक वर्षको नीति तथा कार्यक्रम प्रस्तुत गरेका थिए भने उपाध्यक्ष वनस्थम थिङले ६५ करोड ३१ लाख ७९ हजार रुपैयाँको अनुमानित बजेट सार्वजनिक गरेका हुन् ।