यति नगरी देशमा टिक्दैनन् युवा

गत वर्षको प्रतिनिधिसभा निर्वाचनका बेला सबै राजनीतिक दलहरूले मतदाताको मन जित्न विभिन्न नारा दिए, आश्वासन बाँडे। राष्ट्रिय स्वतन्त्र पार्टी (रास्वपा)ले आफूले चुनाव जितेमा युवालाई विदेश पलायनबाट रोक्ने मात्र नभई विदेशमा रहेका नेपालीलाई स्वदेश फर्कने वातावरणसमेत बनाउने नारा अघि सारेको थियो। जुन लोकप्रिय भयो।

खुसीको कुरा, जुन दलले युवा पलायन रोक्ने विषयलाई आफ्नो मुख्य चुनावी मुद्दा बनाएको थियो, त्यही दल करिब दुईतिहाइ मतसहित सत्तामा पुगेको छ। आशा छ कि युवालाई विदेश जानबाट रोक्न र विदेशमा रहेकालाई स्वदेश फर्काउने गरी सरकारले काम गर्नेछ।