५४ वर्षसम्म पनि डुम्रे–बेँसीसहर सडक स्तरोन्नति हुन सकेन

लमजुङ । डुम्रेदेखि बेँसीसहर जाने सडक खुलेको ५४ वर्ष बितिसक्दा पनि स्तरोन्नति हुन नसक्दा स्थानीयवासी कष्टपूर्ण यात्रा गर्न बाध्य छन्।

विसं २०२९ मा सुरु भएको ४२ किलोमिटर लामो डुम्रे–बेँसीसहर सडक विसं २०४६ मा सञ्चालनमा आएको थियो भने विसं २०५२ मा कालोपत्रको काम सुरु गरिएको थियो। तर सडकको अवस्था कमजोर रहेकाले सवारी सञ्चालन सहज हुन सकेको छैन र यात्रुले जोखिमपूर्ण यात्रा गर्नुपरेको छ।