सगरमाथाको चुचुरोमा अमेरिकी कूटनीतिज्ञ

काठमाडौँ । नेपालस्थित अमेरिकी दूतावासका पब्लिक अफेयर चिफ (सार्वजनिक मामिला प्रमुख) माइक हार्करले सगरमाथाको सफल आरोहण गरेकी छिन् । जेठ ६ गते बिहान ९ बजेर १० मिनेटमा उनले सगरमाथा आरोहण गर्न सफल भएको नेपालस्थित अमेरिकी दूतावासले जनाएको छ ।

योसँगै उनी सगरमाथाको शिखरमा पाइला टेक्ने पहिलो बहालवाला अमेरिकी कूटनीतिज्ञ भएकी छिन् । यो आरोहण अमेरिकाको स्वतन्त्रताको २५०औँ वार्षिकोत्सव ‘फ्रिडम २५०’ को पूर्वसन्ध्यामा भएको हो, जसले अमेरिकी नागरिकको साहस, दृढ सङ्कल्पलाई उजागर गरेको बताइएको छ ।