स्थापनाको ५ वर्ष, कामै नगरी खारेज भयो बागमती प्रदेशको एउटा कार्यालय

हेटौँडा । बागमती प्रदेश सरकारले प्रशासनिक पुनर्संरचना गर्दै विभिन्न कार्यालयहरू खारेज गरेको छ ।

सरकारले अस्थायी प्रकृतिका कार्यालयहरू खारेज गर्दै प्रदेशमा ८ मन्त्रालयसहित १९१ कार्यालयहरू राख्ने निर्णय गरेको छ । सोही निर्णयअनुसार प्रदेश सरकार अन्तर्गतको भौतिक पूर्वाधार विकास मन्त्रालय मातहत रहेको ‘प्रदेश राजधानी विशेष आयोजना, हेटौँडा’ पनि खारेज हुने भएको छ । आगामी साउन १ गतेदेखि उक्त कार्यालयको अस्तित्व रहने छैन ।